Seguimos con Moal/Mual

Ya se que para algunos tal vez aburra el debate planteado sobre el nombre del pueblo, pero han sido tantos los mensajes y tan extenso su contenido, que la HTML no permite hacer comentarios muy largos y hay gente que quiere aportar su punto de vista, por lo que sugiero que lo haga en esta nueva entrada.

Uno de los que no se quería perder esta discusión, es un vecino del pueblo al que todos conocemos como Naciu 'i Riguilón. Naciu, del que espero hablar en un nuevo post más adelante, es una persona comprometida con la etnografía y la cultura asturiana, que quiere aportar su punto de vista en esta controversia, para lo cual me ha enviado un correo que seguidamente paso a transcribir :

Uvieu, 13 d’outubre de 2009
Hola. Sou Naciu ‘i Riguilón.

Cuando m’enteréi de tou este cutarru marchaba pa Cabárceno cuna familia ya nun me díu tiempo siquiera a leer toalas opiniones.
¡Joder la que tais liando!
Buenu. Lu primeiru un saludu a José Mingo, ya a tous los contertulios.
La verdá qu’el tema ía mui interesante ya da muitu de sí, pero pareme que tais dándo-l.ly más vueltas de la cuenta ya ta derivando nun enfrentamientu personal con Mónica nuna cuestión qu’el.la namás quería aclarar dende’l puntu de vista filolóxicu
You nun quieru char más l.leña’l fuéu, pero por alusiones ya tamién porque ta falándose del miou pueblu, vou davos la miá opinión. Que nun será más qu’eso: la miá opinión.
You nunca escuitéi a ningunu de los viechos del miou pueblu pronunciar “Moal”, ya tampoucu “Mual”. En realidá nun se pronuncia de ninguna d’estas duas maneras. Ya a poucu qu’escuitéis a los viechos que inda quedan nu l.lugar daréisvos cuenta de lu que vos digo. La esplicación d’esto yá la dienon del.los de los contertulios qu’escribienon antes, ya que you, conos mios limitáos conocimientos l.lingüísticos, intentaréi resumir, cumu dí un bon amigu, “nel lenguaje de la agraria”.
Toul mundu sabe que l‘asturianu tien una serie de soníos cumu la “X” ya la “l.l” vaqueira qu’el castel.lanu nun tien. Buenu. Pos nas vocales pasa una cousa parecida; n’asturianu ocidental tenemos más vocales que las cincu del castel.lanu. Asina tenemos una vocal intermedia ente la “i” ya la “e” en palabras cumu “biliel.lu” ou “vilorta”. Un exemplu mui claru que tous conocéis: you escribo “Riguilón” ya’l miou harmanu Carlos escribe “Reguilón” ya los dous tan mal escritos. La outra vocal intermedia ta ente la “o” ya la “u” pa pronunciar palabras cumu “tamboriteiru” onde la “o” intervocálica ya la “u” final nun la pronunciamos cumu en castel.lanu, sino con una vocal intermedia, pero hai qu’escribila de dalguna manera. Este ía ‘l caso del nome del nuesu pueblu.
You, muitu tiempu antes de que saliera toa esta polémica optéi por escribir el nome del miou pueblu n’asturianu con “u” ya escribir “Mual”. Ya escuchí la “u” por duas razones: la primera porque pareme que, nesti casu, esa dichosa vocal intermedia tira más pa la “u” que pa la “o” ya segundo, porque cuento que si n’asturianu se sigue escribiendo con “o”, según la fórmula castel.lana, sería muitu más fácil que se perdiera la pronunciación orixinal intermedia, cumu yá ta pasando ente la xente más moza.

Que cada unu defienda la grafía que quiera, pero yera importante que nun se perdiera la sua verdadera pronunciación porque ilustra unu de los rasgos más carauterísticos de la nuesa fala.
Siendo coscientes que ninguna de las duas ía correcta del tou, la solución a mí pareme bien fácil. Dexar las duas grafías una pal castel.lanu ya outra pal asturianu. Ya alón.
¿Nun tamos nuna sociedá bilingüe?
Doi por bona esta polémica si val pa que la xente vuelva a escuitar a los viechos (lu que dicen ya cumu lu dicen) ya pa conecer un poucu más la l.lingua ya la cultura que nos leganon.
Un saludu a touslos contertulios ya un abrazu a los “Papudos”.
Naciu ‘i Riguilón.

El comentario de Naciu, hecho en asturiano occidental, creo que no necesita traducción para ser entendido por todos los que nacimos o nos criamos en esa zona. Así que, como en la entrada anterior, sólo queda dejar su punto de vista a quien así lo desee.